Өнөөдөр хийлч Дээгийгийн тоглолт болно

 Өнөөдөр Соёлын төв өргөөнд СТА хийлч Ч.Дэлгэрцэцэгийн  “Чайковскийн үдэш” тоглолт болно.  Тоглолтод түүний багш  дэлхийн шилдэг хийлчдийн нэг Дилана Женсон оролцох юм. Дээгийгийн хувьд   Америкт суралцаж байхдаа П.И.Чайковскийн тэмцээнээс Америкт анх удаа мөнгөн медаль авчирч байсан энэ алдартай эмэгтэйгээр хичээл заалгаж байсан аж. “Чайковскийн үдэш” түүний зургаа дахь бие даасан тоглолт бөгөөд өнөө орой  уран бүтээлчдийн  тэр бүр халдаж тоглодоггүй, жинхэнэ хийлчдийн чансааг шалгадаг П.И.Чайковскийн хийлийн  концертын 3-р  ангийг тоглохоос гадна И.С.Бах, Ж.Чулууны аязууд эгшиглэх юм байна.

 Г.Энхтуяа