Үерийн улмаас 12 мянган хүн хохирчээ

ОХУ-ын Краснодар мужид болсон үерийн улмаас 12000 гаруй хүн хохирол амссан гэж Оросын Онцгой байдлын яамнаас мэдээлжээ. Үерийн улмаас 320 хүн эмнэлгийн тусламж авсан байна. Геленжик, Крымск, Новороссийск хотууд болон Дивноморск, Ниженбаканск, Небержаевск, Кабаридинка зэрэг хүн ам суурьшсан газруудад таван мянга гаруй байшин усанд автжээ. Өнөөдөр үерийн улмаас хохирсон хүмүүст 10000, 50000, 100000 рубль олгох бол амиа алдагсдын гэр бүлийнхэнд тус бүр хоёр сая рубль олгохоор болсон байна.

Эх сурвалж: "Улаанбаатар таймс" сонин