Yahoo корпорацийг Google-ээс ирсэн бүсгүй толгойлно

Хямралтай тулгараад байгаа интернет-корпораци Yahoo шинэ ерөнхий захиралтай болох талаар зарласан байна.

Компанийн толгойлогчоор Google-ийн байршил, картын хэлтсийн дарга байсан Марисса Майер ажиллах болжээ. The New York Times мэдээлснээр, сүүлийн жил дөрвөн ерөнхий захирал солигдоод байгаа Yahoo-гийн хувьд ийм өндөр түвшний, интернет-үйлчилгээний тийм агуу орон зайд ажиллаж байсан менежертей болно гэдэг том аз завшаан хэмээн цохон тэмдэглэжээ.

Одоо Майерийн өмнө интернет-бизнесийн анхдагчуудын нэг болох энэхүү том компанийг хөл дээр нь баттай босгох том зорилт тулгараад байгаа ажээ.

Yahoo-гийн шинэ босс 37 настай Майер  Hewlett-Packard-ын Меган Уитман,  IBM-ийн Вирджини Рометти,  Facebook-ын Шерил Сандберг зэрэг Кремниевийн хөндийн цөөн тооны алдартай бүсгүйчүүдийн клубт багтаж чадсан байна.

Д.Мигаа