Дэлхийд хамгийн үнэтэйд тооцогдох бугуйн цагнууд...

• Энэхүү жагсаалтыг Вreguet фирмээс гаргасан халаасны 1907BA/12 загварын цаг эхлүүлж байна. Үнэ нь 734.000 доллар. Механик турбинтай, 18 каратын алтан цагийг дэлхийд урдаа барьдаг амстерууд хийж бүтээсэн.. корпусын диаметр нь 56.5 мм.
• 31.5 мм диаметртай, цагаан алтан корпустай, 44 ширхэг үнэт чулуунаас бүрдсэн  Blancpain 1735 Grande Complication хэмээх энэхүү цагийг дээдсийн элит гаралтнуудынх гэдэг. Цагнаас он сар, өдөр, жилийн тоолол, сарны байрлал зэргийн заалтыг мэдэж болно. 800.000 далларын үнээрээ жагсаалтын есөд бичигджээ.
• Корпусыг нь жинхэнэ сарны солирын хэлтэрхийгээр урласан гэх Louis Moinet Magistralis цаг нь 860.000 доллар. Уг хэлтэрхийг одоогоос 2000 жилийн тэртээх настай гэж ийнхүү үнэлжээ.
• Hublot Black Caүiar Bang бол сая доллараар үнэлэгддэг цөөхөн хэдхэн цагийн нэг.  Гэхдээ энэ цаг долоод бичигджээ. Хар алмааз, 322 ширхэг цагаан шижир алт нь түүнийг ийнхүү үнэтэй болгожээ.
• Жагсаалтын зургаад бичигдээд байгаа Chopard Super Ice Cube цагны алмааз нь 66 каратынх. Цагны үнэ нь 1.1 сая.
• Patek Philippe фирмийн үнэт цагнууд ийм төрлийн жагсаалтанд байнга дээгүүрт бичигдэж байдаг. Тэгвэл тэдний энэ удаагийн цаг 1.3 саяар үнэлэгдэж байна.
• Хамгийн ур хийцтэйд тооцогддог Үacheron Constantin Tour de l”Ile  цаг нь нийтдээ 834 жижиг хэсгээс бүрддэг байна. Гайхалтай ур хийц, хоёр ч нарны цагийг зэрэг заадаг энэ бүтээлийг мэргэжилтнүүд 1.5 саяар үнэлсэн гэдэг.
• Patek Philippe фирмийн бас нэг цаг жагсаалтанд орж иржээ. Уг фирмийн Platinum World Time цаг гуравт бичигдэв. Түүнийг бүр 2004 онд л гэхэд дөрвөн сая доллараар үнэлж байсан.
• Тэгвэл тус фирмийн Supercomplication цагийг 1932 онд нью йоркийн банкны эзэн Генри Грэйвзын захиалгаар хийжээ. Нийт 900 хэсгээс бүрдэх уг цагийг бүтэн таван жилийн турш урлажээ. Нью йорк хотод хэзээ нар мандаж жаргахыг энэ цаг яг заана. Мөн Сүүн замын оддын байрлалыг цаган дээрх 18 каратын алт болон үнэт чулуун суулгацаас харж болно.
• Харин өнөө цагийн хамгийн үнэтэй цагийг Chopard маркийн мастерууд зарлаад байгаа. Цагийг хэрэглээ гэхээсээ үнэт дурсгалын эд зүйл гэхэд болно. Түүний яг гол дунд жижигхэн алмаазан эрдэнэд толгой эргэм үнийг санал болгодог. Цагаан, улаан, цэнхэр үнэт чулуу нь бүгд зүрхэн хэлбэртэй. Тэрхүү зүрхэн алмаазны нэг нь л гэхэд 38 каратынх. Харин бүгд нийлээд 200 карат болно. Харин үнийн хувьд чухам хэдийг амласан нь өдгөө тодорхой биш байгаа. Ямартаа ч 50 сая доллар бол энүүхэнд гэнэ.

Р.Слава