Хятадын эрх баригчид “Bloomberg” цахим хуудсыг хаажээ

“Bloomberg”, ”Businessweek” цахим хуудсыг Хятадын эрх баригчид хаажээ. Дээрх цахим хуудсанд Хятадын дэд ерөнхийлөгч Си Жинпины үл хөдлөх хөрөнгө, хувийн компаниуд, хөрөнгө оруулалтуудын тухай нийтлэгджээ. Төрийн өндөр албан тушаалтантай холбоотой нийтлэлээс болж ард иргэдийн мэдээлэл авах эрх чөлөөг хаасанд харамсаж буйгаа “Bloomberg”-ын зүгээс илэрхийлсэн юм. Мөн тэд “хятадын эрх баригчид сэтгүүлзүйн эрх чөлөөнд халдаж нийтлэл, нэвтрүүлгийн агуулгад хатуу хяналт тавьж буйн тод жишээ боллоо” хэмээн “BBC” агентлагт мэдэгджээ.