Завханд машин онхолдож дөрвөн хүн нас баржээ

Өнгөрсөн баасан гарагт Завхан аймгийн Тосонцэнгэл сумын төвөөс 30 км-ын зайд Рашаант багийн Тээлийн даваа хэмээх газар 02.00 цагийн орчимд ЗАА62-82 дугаартай ЗИЛ-131 автомашин онхолджээ. Мод ачсан машин давааны орчимд онхолдож газар дээрээ дөрвөн хүн нас барж, хоёр хүн дарагдаад байна гэх дуудлагыг аймгийн Онцгой байдлын хэлтэс, цагдаагийн хэлтэст ирүүлсэн байна. Осол  болсон газарт аймгийн аврах 39 дүгээр анги, цагдаа, эмнэлэг, прокуророос нийт 12 хүний бүрэлдэхүүнтэй ажлын хэсэг өглөөний 06.30 цагт очиж, хоёр хүнийг гаргаж авчээ.  Онхолдсон  машиныг босгох арга хэмжээг аймгийн аврах ангийн албан хаагчид зохион байгуулсан ажээ.

Д.Сэндэр.Zindaa.mn