“DOZ”-ийн Дооёо

“DOZ” энтертайнментийн захирал, жүжигчин, найруулагч Ш.Доржсүрэн буюу Дооёо хошин урлагийн ертөнцөд өөрийнхөө орон зай, байр суурийг баттай эзлээд авсан. Чадварлаг жүжигчин гэдгээр нь үзэгч олон нь мэддэг ээ. Тэрээр Соёл урлагийн их сургуулийн жүжигчин найруулагчийн ангийг төгсөөд Драмын театраас ажлын гараагаа эхэлж байжээ. Хошин урлаг бол орчин цагт гарч ирсэн тайзны урлагийн нэг хэлбэр гэж тэрээр хэлсэн байдаг нээрээ ч хошин урлаггүйгээр тайзны урлагийг төсөөлөхөд бэрх билээ. Дооёо гэргий Зулаатайгаа оюутан ахуй насандаа танилцаж тухайн үедээ найз нөхдийн харилцаатай байсан ч удаагүй хоёр биенээ хайрлаж эхэлжээ. Сайхан хосууд гэж яригддаг хоёр жүжигчин маань хоёр биенийхээ сайн зөвлөгч байж чаддаг гэнэ.