Гитлертэй нэг өдөр төрсөн поп дива Монташка

1. МУГЖ Б.Сарантуяаг сайн дуучин, хөдөлмөрч эмэгтэй, бас дүр эсгэдэггүй, шулуухан үгтэй, хувийнхаа амьдралыг нууцлаад байдаггүй нээлттэй, шулуун шудрага дайчин эмэгтэй гэдгийг хүн бүр мэднэ.  
2. Тэрээр 1970 оны дөрөвдүгээр сарын 20-нд Улаанбаатар хотод  төржээ. Энэ eдeр УИХ-ын гишүүн С.Зориг агсан, А.Гитлер нар мэндэлсэн юм. Поп хатагтай жил бүр төрсөн өдрийн баяраа фэнүүдтэйгээ хамт тэмдэглэдэг. Энэ удаад ч мөн “Хайрын бурхан” тоглолтоо хийж фенүүдээ баясгав. түүний 43 насны баяр гэж байгаа.
   
3. Тоглолтын сюрприз нь рок попын үе үеийн шилдэг дуучин залуус байлаа. Анхны нөхөр Н.Ганхуягтайгаа хамт дуулж байсан “Хавар” дуугаа төрийн соёрхолт дуучин Д.Болдтой дуулсан нь үзэгчдийг дуу алдуулан шаагиулав. Мөн түүний алтан портнер нь мэдээж МУГЖ Дашдондог байсан.
4. Түүний аав нь монгол, ээж нь якут гэдгийг хэн ч мэднэ. Поп хатагтай маань эцэг, эхээс гурвуулаа бөгөөд нэг эгч, нэг эрэгтэй дүүтэй.
5.  Анх 23-р сургуулийн нэгдүгээр ангид Любовь Антоновна багшийн сурагч болсон тэр үе. Алтан шаргал үстэй тэр багш л намайг дуунд, бас амьдралд хайртай болгосон” хэмээн дурссан байдаг.
6. Зөвлөлтийн есдүгээр сургууль төгссөн поп хатагтай маань орос хэлийг тун сайн сурсан төдийгvй англи, герман хэлээр ч дажгvй сайн ярьчихдаг. Бяцхан нууц дэлгэхэд түүнийг монхор хамартай болохоор "Монташка” хэмээн хочилдог байжээ.
7. Б.Сарантуяа дунд сургуульд байхдаа ангийн найз охин Р.Лхамжав /одоогийн дуучин Лхамаа/-тайгаа "Мөнгөн харандаа” хамтлагт дуулдаг байсан бөгөөд тэд "Модерн Токинг”, "Битлз”-ийн дуунуудыг дуулдаг байжээ. Тухайн үед хит болж байсан "Би чамд хайртай” киноны "Анхны хайр” дууг үнэхээр гоё дуулдаг байсан гэдэг. Тэр үеэс л олны танил болох алхамаа хийж байсан.
8. Гэтэл түүний талаар бас элдвийн цуурхал байна. Анх сувилагч ажилтай байхад нь Н.Ганхуяг тусалж, дэмжин урлагийн босгыг алхуулсан гэх.
   
9. Поп хатагтай дунд сургуульд байхдаа биеийн тамирын хичээлд тааруухан байсан аж. Тэрээр энэ тухай ярихдаа: “Арай л гэж сайн дүн авдаг ганц дургүй хичээл минь байсан. Долдугаар ангид байхдаа шарлаад биеийн тамирын хичээлд орохоо больсон” хэмээн өгүүлсэн нь бий.

10. Сүүлд тэшүүрийн спортоор хичээллэж, 1996 оноос эхлэн бялдаржуулах урлагаар хичээллэж буй. Тэрбээр эмэгтэй хүний хувьд гоо сайхнаа хадгалах, жингээ хасах, эрүүл байх үүднээс хичээллэдэг гэнэ.

11. Тэр, амьтан буудаж, хөнөөж байж арьсыг нь хувцас болгож өмсдөг хүмүүсийн эсрэг байдаг. Харин түүнд "Гоёл” наадмаас худалдаж авсан ганцхан тарваган шуба бий.

12.  Түүнд хайр дурлалын захиа цөөнгүй ирдэг байсан ч онцгой хөвгүүд байгаагүй учир тоогоогүй гэнэ билээ.

13.   Харин поп хатагтай маань анхны хайр, анхны үнсэлтээ бараг өөрөөсөө ч нуух нь холгүй байдаг бололтой. Юутай ч түүнийг 15-16 настай байхад анхны хайр нь ирсэн ч бүтээгүй аж.

14.  Гэхдээ түүнд олон эрчүүд сэтгэл алдарсан бөгөөд тухайлбал өдөр бүр нэгэн үл таних хүн цонх, үүдэн дээр нь цэцэг тавиад явсан байсан бөгөөд одоог хүртэл түүнд нууцхан дурласан үл таних залуу нь олдоогүй гэнэ.

15. Мөн алмазны наймаачин баян Якут эр гоонь амьдралаасаа уйдаж, Сараад санаархан, хамтран амьдрахыг мөрөөдөн түүний тоглолтыг  нь үзэн, сарнай бэлэглэж, улмаар эргүүлэх оролдлого нь бүтэлгүйтэж байсан гэдэг.

16. Тэрбээр анх Н.Ганхуяг, удаад нь "Голомт” банкны Л.Болдхуяг нартай хамтын амьдрал зохиож, хүүхэдтэй болсон ч бүтээгүй хоёр тийш болсон. Гэсэн ч тэрээр одоо хүүхдүүдийнхээ хамт  элбэг хангалуун ихэмсэг аж төрж буй.

17. "Тэр намайг дурсдаг болов уу" нэртэй дуугаа охиныхоо эцэг н.Отгон-Очирт зориулсан гэдэг. Гэсэн ч уран бүтээлээ амьдралтайгаа хольж хутгадаггүй хэмээн Сараа хатагтай эрс үгүйсгэдэг.

18.Түүний хайртай амьтан нь нохой. Одоогоос нилээд хэдэн жилийн eмнe 28 мянган төгрөгөөр боксёр vvлдрийн нохой худалдан авч байсан энэ эмэгтэй нохой жилтэй ажээ.

19. Хамгийн олон клиптэй, хамгийн олон тоглолт хийсэн, олон шагналын эзэн гээд хамгийн хамгийнд  дуучин бол яах аргагүй Сараа мөн. 2005 онд түүний Монголын урлагт оруулсан хувь нэмэрийг өндөрөөр үнэлэн МУГЖ цолоор шагнасан.

20. И.Нямгаваагийн найруулсан Япон-Монголын хамтарсан  "Чингис хаан” киноны Өэлvн эхийн дүрд тоглоод амжсан.

21. Тэрээр Барбара Стрейзанд, "Харанга” хамтлагийн дуучин Х.Лхагвасvрэн нарын хоолойн чадлыг биширдэг "Зууны манлай эстрадын дуучин”, поп хатагтай Б.Сарантуяаг хөдөлмөрийн баатар Г.Пvрэвдорж, АЖ Л.Цогзолмаа, Г.Хайдав нарын алдартнууд сонсдог юм билээ.