Дуучин Пинк фэнүүдээ гомдоов

Хөгжмийн ертөнцийн өвөрмөц дуу хоолойтой, дэггүй дуучин Пинк "The Truth About Love" нэртэй Европт хийх аялан тоглолтоо Английн Бирмингем хотоос эхлүүлэхээр төлөвлөөд байсан юм. Гэвч эрүүл мэндийн шалтгаанаар тоглолтоо цуцлахаас аргагүйд хүрсэн тухай таагүй мэдээг өчигдөр албан ёсны цахим хуудсаараа дамжуулан мэдэгдсэн байна. Учир нь дуучин бүсгүй амьсгалын замын үрэвслээс болж нэг чихэндээ зайлшгүй эмчилгээ хийх шаардлагатай болсон аж. Тэрээр тоглолтоо цуцалсантай холбогдуулан фенүүдээсээ албан ёсоор уучлал гуйсан байна.