Бүжгээр дуугаа илэрхийлсэн өвөрмөц клип

УДЭТ-ын Ерөнхий найруулагч Н.Наранбаатар тун удахгүй тайзнаа Английн алдарт зохиолч Рэй Кунигын “Эцсийн зогсоол зөвхөн чи” жүжгийг амилуулахаар болжээ. Тэгвэл уг жүжгийн клип үзэгчиддээ хүрэхэд бэлэн болоод байна. Клипний хувьд тун өвөрмөц шийдэлтэй бөгөөд жүжгийн дууг хэн нэгэн дуулаагүй. Харин жүжигчид нь бүжгээр дуугаа илэрхийлж байгаагаараа онцлогтой гэнэ. Уг жүжгийн бүжиг дэглээчээр Соёлын тэргүүний ажилтан, бүжиг дэглээч Г.Ган-Очир ажилласан байна. Тус жүжгийн нээлт энэ сарын 20-нд 20.30 цагт УДЭТ-т болно.

Жүжгийн гол дүрд Гавьяат жүжигчин Ж.Оюундарь, Соёлын тэргүүний ажилтан Л.Дэмидбаатар нар тогложээ. Мөн Ардын жүжигчин С.Сарантуяа, Соёлын тэргүүний ажилтан жүжигчин Д.Баттөмөр, Соёлын тэргүүний ажилтан жүжигчин Ц.Төмөрхуяг болон залуу уран бүтээлчид оролцон тогложээ. Ингээд “Эцсийн зогсоол зөвхөн чи” жүжгийн клипийг хүргэж байна.