Ө.Уянга гавьяатын тоглолт тун удахгүй

ДБЭТ-ын гоцлол дуучин, МУГЖ Ө. Уянгын “Монгол-2” хэмээх хүндэтгэлийн тоглолт энэ сарын 20-нд ДБЭТ-ь болох гэж байна. Энэ нь түүний 2011 онд тоглогдсон “Монгол” концертын үргэлжлэл болж буйгаараа онцлогтой юм. Тус тоглолтонд хөгжмийн зохиолч Б.Шаравын мэргэжлийн дуурийн дуучдад зориулан бичсэн “Үүл бороо цэцэг гурав”, “Намраа гэж”, “Хавар”, “Солонго” зэрэг ари романсууд дуулагдахаас гадна  “Зүрхний хайртай эх орон”, “Аав ээж хоёр  минь”, “Таны төлөө зүтгэе” дуунууд нь эгшиглэх юм. Мөн "Чингис хаан" дуурийн Хадааны ариг дуулах гэнэ.  

Энэхүү тоглолтод ДБЭТ-ын симфони найрал хөгжим, Морин хуурын чуулга бүрэн бүрэлдэхүүнээрээ оролцох бөгөөд түүний хоолойтой хоршин эгшиглэдэг баритон, мецо-сопрано хоолойтнууд хамтран дуулах юм байна.