ӨГЛӨӨНИЙ МЭНД!

Өнөөдөр 2019.04.24. Монгол эх оронд маань нар 05 цаг 48 минутад мандлаа.

Улаанбаатар хотод 8 градус, үүлшинэ. Та хувцсаа тохируулж өмсөөд гараарай.

Өнөөдөр Лабораторийн амьтдыг хамгаалах өдөр. Балбад Ардчиллын өдөр, Замбид Хүүхдийн эрхийг хамгаалах өдөр, Гамбид Бүгд найрамдах улсын өдөр тохиож байна.

Энэ өдөр “Алтан бөмбөрцөг” наадмын ес, Греммийн хөгжмийн наадмын 10 удаагийн шагналт нэрт жүжигчин, дуучин Барбара Стрэйсэнд, Италийн нэрт хөлбөмбөгч Алессандро Костакурта, Дэлхийн аварга, Украины таван төрөлтийн тамирчин Ханна Мельниченко, Бельгийн хөлбөмбөгч Йан Вертонген, Өмнөд Солонгосын жүжигчин Ким Тэ Ри зэрэг алдартан төрсөн өдрөө тэмдэглэж байна.

Энэ өдөр Монгол Улсын түүхэнд болсон чухал үйл явдлууд:

• 1956 оны энэ өдөр БНМАУ, ЗСБНХУ-ын хооронд эдийн засаг, соёлын талаар хамтран ажиллах тухай хэлэлцээр байгуулав.
• 1997 оны энэ өдөр Монгол Улсын Ерөнхийлөгчийн 69 дүгээр зарлигаар “Цэргийн шинэчлэлийн бодлого” баримт бичгийг баталжээ.
• 2017 оны энэ өдөр Монгол Улсын Ерөнхийлөгчийн зарлигаар Дорнод аймгийг Сүхбаатарын одонгоор шагнав.

Өнөөдөр дэлхий дахинд болсон чухал үйл явдлууд:

• 1953 оны энэ өдөр Их Британийн Ерөнхий сайд Уинстон Черчиллийг Их Британийн хатан хаан II Элизабет соёрхож, “Сир” буюу “хөлөг баатар” цол олгожээ.
• 1965 оны энэ өдөр Доминиканы бүгд найрамдах улсын Ерөнхийлөгч Хуан Бошийн эсрэг төрийн эргэлт явуулсан Франциско Кааманио Засгийн эрхийг шилжүүлснээр тус улсын иргэний дайн намжив.
• 1996 оны энэ өдөр АНУ “Терроризмтой тэмцэх, үйлдсэн хэрэгт цаазын ял оноох тухай” хуулийг баталжээ.
• 2004 оны энэ өдөр АНУ Ливид 18 жилийн турш тогтоогоод байсан эдийн засгийн хоригоо цуцлав.

Өнөөдөр үс засуулбал өлсөж ундаасна гэж дорнын зурхайд буужээ. Хонь, гахай жилтнүүд аливаа үйлийг хийхэд эерэг сайн бол могой, морь жилтнүүд аливаад хянамгай хандаарай. Энэ өдөр хийморио сэргээх, эмчилгээ хийлгэхэд сайн. Харин газар хагалах, уул овоо тахихад таатай биш. Хол газар явах гэж байгаа хүмүүс урагш мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг.