"Гурван охин" хамтлагийн дуучин Сологийн ӨӨРЧЛӨЛТ

Дунд сургуулийн нэг ангийн охид гэгддэг Гавьяат жүжигчин, дуучин Т.Ариунаа, Ж.Алтанцэцэг нарын тоглолтод анхлан оролцсоноор олонд танигдсан "Гурван охин" хамтлаг тэр цагаас хойш өөрсдийн орон зайг аль хэдийн бий болгосон. Хамтлагийн ахлагч Д.Солонго буюу Соло гоо сайхны мэс засалд орж, төрөл арилжсан мэт өөр зүс царайтай болсон тухай хэсэгтээ л шуугисан. Гэхдээ шинэ төрх нь түүнийг илүү сайхан болгожээ хэмээн бишрэн шүтэгчид  нь өмөөрсөөр байдаг.  Энэ удаад ч тэр улам залуужсан, үзэсгэлэнтэй зургаа сошиалд хуваалцаж, олныг дуу алдуулав. 

Өдрөөс өдөрт өнгө зүс нэмж, “төгс” гоо сайхныг өөртөө цогцлоох хүсэлдээ хүрсэн гэх Соло ирээдүйд цагаан лимузин машинтай, царайлаг залуутай гэрлэж, таван хүүхэдтэй болохыг мөрөөддөг тухайгаа нэгэн ярилцлагадаа дэлгэсэн нь бий. Гэвч өдийг хүртэл олон эрчүүдтэй нэр холбогдон, ганц бие яваа түүний мөрөөдөл хэзээ биелэхийг хэн ч таашгүй биз ээ.