Колумбад газрын тос дамжуулах хоолой дэлбэрчээ

Колумбад халдлагын улмаас Трансандины газрын тос дамжуулах хоолойд дэлбэрэлт болжээ. Газрын тос Гуамуес голыг бохирдуулсан талаар “Ecopetrol” компаниас мэдэгдсэн байна. Байгаль орчныг бохирдуулахгүйн тулд хязгаарлалтын хавхлагыг хаажээ.

Түүнчлэн компани болсон явдлын үр дагаврыг арилгахаар ажиллаж байгаа аж. Нефтийн хоолой руу үл мэдэгдэх этгээдүүд тэсрэх төхөөрөмжтэй дайралт хийсэн байна. Дээрх хоолой руу энэ онд нийт 19 удаа халдаж байгаа талаар албаныхан мэдээлжээ.

Өмнө нь Венесуэлийн Ансоатеги мужид өнгөрсөн дөрөвдүгээр сарын 5-нд дээрхтэй адил дэлбэрэлт болж байжээ.