Эзэнгүй хашаанд өөрийгөө боомилсон байжээ

Өчигдөр буюу арваннэгдүгээр сарын 27-ны өдөр айлын хашаанаас амиа хорлосон байж болзошгүй эрэгтэй хүний цогцос олдсон байна.

Энэхүү хэргийн тухай дуудлага Дорноговь аймгийн цагдаагийн газарт мөн өдрийн 15:00 цагийн орчимд иржээ. Дуудлагын дагуу цагдаагийн шуурхай албаныхан хэргийн газарт шалгалтын ажиллагаа явуулахад, Дорноговь аймгийн Өргөн сумын харьяат 24 настай эрэгтэй өөрийгөө боомилж, амиа егүүтгэсэн байжээ.

Хэргийн газраас цагаан өнгийн мяндсан утсыг эд мөрийн баримтаар хураан авсан ба аймгийн Цагдаагийн газарт хэргийг үргэлжлүүлэн шалгаж байна.