Дулааны шугамны худаг дотроос эмэгтэй хүний цогцос олджээ

Нийслэлийн Баянзүрх дүүргийн V хороо, Ус сувгийн удирдах газрын авто баазын урд талын дулааны шугам сүлжээний худаг дотроос өчигдөр /2020.01.20/ эмэгтэй хүний цогцос олджээ. 

Энэ тухай дуудлагыг Баянзүрх дүүргийн Цагдаагийн II хэлтсээс нийслэлийн онцгой байдлын байгууллагад өчигдөр 19:46 цагт өгч, Нийслэлийн Аврах ангийн алба хаагчид тухайн газар очсон байна.

Дулааны шугам сүлжээний худаг дотроос нэр, нас, харьяалал нь тодорхойгүй эмэгтэй хүний цогцсыг гаргаж, тус дүүргийн цагдаагийн I хэлтсийн мөрдөгчид шилжүүлэн өгчээ.