ӨГЛӨӨНИЙ МЭНД!
Өнөөдөр 2020.01.13. Энэ оны 13 дахь өдөр бол он дуусахад 352 хоног үлдээд байна. Монгол эх оронд маань нар 08 цаг 38 минутад мандлаа. 17 цаг 23 минутад жаргана.
Улаанбаатар хотод үүл багасна. Өдөртөө -15 хэм, шөнөдөө -24 хэмийн хүйтэн. Та хувцсаа тохируулж өмсөөд гараарай.
Өнөөдөр Монгол Улсад Үндсэн хуулийн өдөр бол Того улсад Эрх чөлөөний, ОХУ-д Хэвлэлийн өдрийг тэмдэглэн өнгөрүүлж байна.
Энэ өдөр Энэтхэгийн анхны сансрын нисэгч Ракеш Шарма, Английн дуучин, жүжигчин Грэм Макферсон буюу Саггс, Америкийн жүжигчин, найруулагч Патрик Демпси, Английн жүжигчин Орландо Блум, Рут Уилсон, Австралийн жүжигчин Лиам Хемсворт, Канадын уран гулгагч, олимпын аварга Габриэль Дэйлман зэрэг алдартан төрсөн өдрөө тэмдэглэж байна.
Энэ өдөр дэлхийн түүхэнд болж байсан онцлох үйл явдлуудаас дурдвал:
1957 оны энэ өдөр “Wham-O” компани тоглоомон нисдэг таваг гаргаж эхэлжээ.
1967 оны энэ өдөр Того улсад цэргийн эргэлт болов.
1970 оны энэ өдөр Биафра бууж өгснөөр Нигерийн иргэний дайн дуусжээ.
1988 оны энэ өдөр Тайванийн уугуул Ли Тэн Хуй тус улсаас гаралтай анхны Ерөнхийлөгч болов.
1993 оны энэ өдөр Химийн зэвсгийн конвенцод гарын үсэг зуржээ.
Энэ өдөр үс засуулбал эд малын гарлагатай гэж дорнын зурхайд өгүүлжээ. Өнөөдөр хонь, гахай жилтнүүд аливаа үйлийг хийхэд эерэг сайн. Өдрийн сайн цаг нь хулгана, бар, туулай, морь, хонь, тахиа. Энэ өдөр ан гөрөө хийх, мал адгуус муулах, угаал үйлдэх, удирдлагын суудалд суух, хийморийн дарцаг хатгахад сайн. Харин газар хагалах, ус, булгийн эх малтах, уул овоо тахихад таагүй. Хол газар явах бол урагш мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг.
Өнөөдрийн ажил үйлст тань амжилт хүсье.
Холбоотой мэдээ
Сэтгэгдэл ( 0 )