АНУ-д анх удаагаа коронавирус хүнээс хүнд халдлаа
Шинэ төрлийн уушгины халдвар АНУ-ын нутаг дэвсгэрт анх удаагаа хүнээс хүнд халдсан тухай АНУ-ын Халдварт өвчин судлалын төвөөс мэдээллээ.
Өнгөрсөн долоо хоногт коронавирустэй гэж оношлогдсон Чикаго хотын харьяат эмэгтэй нөхөртөө коронавирус халдаасан нь тогтоогджээ. Өвчлөгсөд хоёул 60-аад насных бөгөөд биеийн байдал нь харьцангуй тогтвортой байна.
Чикаго хотын эмнэлгийн ажилтнууд өвчилсөн хүмүүстэй ойр харьцсан байж болзошгүй 10 гаруй хүнийг нарийн шинжилгээнд оруулж байгаа аж. АНУ-ын Халдварт өвчин судлалын төв хүнээс хүнд халдсан тохиолдол бүртгэгдсэн нь тус улсын нутаг дэвсгэрт халдварын тохиолдлыг нэмэгдүүлэх эрсдэлтэй гэж дүгнээд байна.
Одоогийн байдлаар АНУ-д коронавирусийн зургаан тохиолдол бүртгэгджээ. Хамгийн сүүлийн мэдээллээр дэлхий даяар 8252 тохиолдол бүртгэгдэж, 171 хүн амь насаа алдаад байна.
Холбоотой мэдээ
Сэтгэгдэл ( 0 )