Коронавирус | Итали улс ОНЦ БАЙДАЛ зарлалаа

Италийн Засгийн газар нутаг дэвсгэрт нь коронавирусийн хоёр шинэ тохиолдол бүртгэгдэж, сэжигтэй тохиолдлын тоо эрс нэмэгдсэнтэй холбоотойгоор онц байдал зарласан тухай Ерөнхий сайд Жузеппе Конте мэдэгдлээ.

Италийн Засгийн газар онц байдал зарлах саналыг Ерөнхийлөгчид дэвшүүлж хүлээн авснаар онц байдал зарлаад байна.

Тус улсын нутаг дэвсгэрт БНХАУ-аас ирсэн хоёр жуулчинд коронавирусийн шинж тэмдэг илэрч, улмаар шинжилгээгээр тодорхой болсон юм. Олон хоногийн өмнө нийслэл Ром хотод ирсэн дээрх хоёр жуулчны биеийн байдал тогтвортой байгаа ч тусгаарлан эмчилгээнд хамруулж байгаа ажээ.

Түүнчлэн тус улсын Засгийн газар БНХАУ руу үйлдэх бүх нислэгээ тодорхойгүй хугацаагаар цуцлаад байгаа билээ.