БНХАУ-ын лиг гадаадын легионеруудыг буцаж ирэхийг ШААРДЖЭЭ

Коронавирусний халдвар эрчимтэй тархаж буйтай холбоотойгоор дэлхийн улс орнуудад  спортын арга хэмжээнүүдийг цуцлах шийдвэр гарч байгаа билээ.  Тэгвэл уг вирусний голомт болох БНХАУ лигүүдээ сэргээж эхэллээ.  

Ирэх сарын  2-ноос сагсанбөмбөгийн лигээ сэргээн үргэлжлүүлэхээр болсон тул нутаг руугаа буюу АНУ руу буцаад байсан сагсанбөмбөгчдийг эргэн ирэхийг шаардсан бичиг илгээжээ. Лигийн 20 багийн тоглолтуудыг үзэгчгүй зохион байгуулах аж.

БНХАУ-ын лигт АНУ-ын 40 орчим сагсанбөмбөгч тоглодог. Тэд өнгөрсөн нэгдүгээр сард нутаг буцсан юм. Гаднын  легионерууд БНХАУ-д эргэж ирээд 14 хоног тусгаарлагдах ёстой тул сагсанбөмбөгчдийг аль болох хурдан эргэн ирэхийг сануулж байгаа аж.

Шаардсан хугацаанд сагсанбөмбөгчид буцаж ирэхгүй бол БНХАУ-ын нутаг дэвсгэрт тэмцээн уралдаанд оролцох эрхийг нь бүх насаар нь хориглох юм байна.