Жо Байден, Сүга Ёшихидэ нар ирэх сард уулзана

АНУ-ын Ерөнхийлөгч Жо Байден, Японы Ерөнхий сайд Сүга Ёшихидэ нар ирэх дөрөвдүгээр сарын 9-нд Вашингтонд анх удаа уулзаж магадгүй байгаа талаар “Yomiuri” сонин мэдээлжээ.

Коронавирусний халдвараас сэргийлэх зорилгоор уулзалтад оролцогчдын тоог хязгаарлах аж. Японы Ерөнхий сайд АНУ-д айлчлахаасаа өмнө коронавирусний вакцин хийлгэх гэнэ.

АНУ-ын шинэ Ерөнхийлөгч, Японы Ерөнхий сайд нарын анхны уулзалтыг хоёр улсын Засгийн газар боловсруулж байгаа бөгөөд Сүга Ёшихидэ дөрөвдүгээр сарын 8-нд Японоос явж, 10-нд эх орондоо эргэж ирэхээр төлөвлөж байгаа гэх мэдээлэл гарчээ.

Өмнө нь Японы Ерөнхий сайд асан Абэ Шинзо АНУ-ын 45 дахь Ерөнхийлөгч Доналд Трамптай тангараг өргөхөөс нь өмнө уулзсан анхны гадаад удирдагч болсон юм.