УОК: Манай улс "Омикрон" хувилбарыг илрүүлэх бүрэн боломжтой

Зарим хэвлэлээр гадаадаас ирсэн хоёр хүнээс "Омикрон" хувилбар илэрсэн гэх мэдээлэл өнөөдөр /2021.12.21/ гарлаа. Энэ талаар УОК-оос тодруулахад тус хувилбар бүртгэгдээгүй гэдэг мэдээллийг өгч байна. Түүнчлэн манай улс омикрон хувилбарыг илрүүлэх бүрэн боломжтой аппараттай гэдгийг онцоллоо.

Харин ЭМЯ-ны зүгээс Монгол Улсад гаднаас ирж байгаа бүх иргэдээс онгоцны буудал дээр хурдавчилсан ба ПГУ тест авч оруулж байгаа бөгөөд эерэг гарвал тусгаарлаж байна. Мөн гаднаас ирсэн бүх иргэдээс 4 дэх хоногт шинжилгээ авч, эерэг бүх тохиолдолд генийн дараалал тогтоох шинжилгээ хийж байгаа. Одоогоор Омикрон хувилбар илрээгүй гэдгийг ЭМЯ-аас албан ёсоор мэдэгдлээ.