КОВИД-19 | Эерэг илрэх хувь ЗУРГАА ДАХИН нэмэгджээ

Эрүүл мэндийн яамнаас коронавирусний "Омикрон" хувилбарын тархалтын талаарх цаг үеийн мэдээллийг танилцуулж байна. (2022.01.28)

Коронавирусний дөрөв дэх давлагаа болох "Омикрон" хувилбарын үед PCR шинжилгээгээр илрэх халдварын тохиолдлын тоо 6 дахин нэмэгджээ. 

Тодруулбал, оны өмнө PCR шинжилгээгээр илрэх эерэг тохиолдлын үзүүлэлт 4-5 хувь байсан бол энэ долоо хоногт 30 хувьд хүрсэн байна. 

Энэ талаар ХӨСҮТ-ийн захирал Ц.Билэгтсайхан "Тархалтыг илэрхийлдэг гол индикатор бол PCR шинжилгээ, түүнд илрэх эерэг хувь байдаг. Оны өмнө PCR-аар илрэх эерэг тохиолдлын үзүүлэлт 4-5 хувь байсан. Он гарсаар долоо, долоо хоногоор нэмэгдсээр энэ үзүүлэлт энэ долоо хоногт 30 хувьд хүрсэн байна. Өөрөөр хэлбэл, 6 дахин нэмэгдсэн гэсэн үг" гэлээ.