24 ЦАГТ: 1,488 тохиолдол батлагдаж, ХОЁР ХҮН энджээ

Коронавирусний халдварын нөхцөл байдлын талаарх өнөөдрийн ээлжит мэдээлэлийг хүргэе.

(2022.02.02)

Монгол Улсын хэмжээнд сүүлийн 24 цагт "Ковид-19" халдварын 1,488 шинэ тохиолдол батлагджээ. Харин өнгөрсөн хоногт архаг суурь өвчтэй, ковид хавсарсан 41-ээс дээш насны хоёр хүн нас барсан байна.

Шинээр бүртгэгдсэн тохиолдол

• Улаанбаатарт - 741
• Орон нутагт - 747
• Зөөвөрлөгдсөн-0

Өнөөдрийн байдлаар эмнэлэгт 8558, гэрийн хяналтанд 45,744 хүн байна. Хэвтэн эмчлүүлэгсдийн 1735 нь хүүхэд, 928 нь жирэмсэн эх. Харин эмнэлэгт хэвтэн эмчлүүлэгчдээс 828 хүний бие хүнд, 96 хүний бие нэн хүнд байна.

Сар шинийн баяраар халдварын тохиолдол нэмэгдэж, шинэ хувилбар бүртгэгдэх эрсдэлтэй тул айл хэсэхгүй, гэр бүлийн хүрээнд цомхон тэмдэглэхийг Нийслэлийн Онцгой комиссын Шуурхай штабаас зөвлөж байгаа билээ.