Европын орнууд Оросын 40 гаруй дипломатчийг нутаг буцаана

Я.Болор | Zindaa.mn
2022 оны 03 сарын 30

Нидерланд, Бельги, Ирланд, Чех зэрэг Европын орнууд Оросын нийт 40 гаруй дипломат ажилтныг нутаг буцаах тухай мэдэгджээ.

Брюссель Оросын 21 дипломатчид 15 хоногийн дотор нутаг буцах шаардлага тавьжээ. Нидерландын Гадаад хэргийн сайд Вопке Хукстра тус улс дипломат ажилтны нэрээр халхавчилсан Оросын 17 тагнуулчийг хөөн гаргаж байна гэж твиттертээ бичсэн байна.

Ирландыг Оросын дөрвөн дипломатч орхин гарах ёстой бол Чех улс Оросын нэг дипломат ажилтанд 72 цагийн дотор нутаг буцах шаардлага тавьсан байна.

Үүнээс өмнө АНУ, Болгар, Словак, Эстон, Латви, Литв, Польш зэрэг улс орнууд Оросын дипломат ажилтнуудыг нутаг буцаасан билээ.

ОХУ-ын Гадаад хэргийн яам үүний хариуд ижил төрлийн арга хэмжээ авч байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ким (202.126.89.182)  2022 оны 03 сарын 30

Империализм гэж их ярьдаг Оросууд өөрсдөө дэлхийн хамгийн том империалист гүрэн. Үргэлж бусдыг дарамталж байдаг. Тэднийг дагасан улс орнууд ямар болдогийг хойд Солонгосоос хараарай.

0  |  0
Top