Буриадад хэмнэлт хийж, Шинэ жил тэмдэглэхгүй

ОХУ-ын Буриадын тэргүүн Алексей Цыденов эдийн засгийн хүндрэлтэй өнөө үед “Засгийн газраас Шинэ жилийн баяр, арга хэмжээ тэмдэглэхэд мөнгө гаргахгүй” гэж мэдэгдлээ.

Алексей Цыденов “Засгийн газраас олон нийтийг хамарсан арга хэмжээ зохион байгуулахгүй, хэмнэлт хийнэ. Ард иргэдийг тэмдэглэж болохгүй гэж хэлж байгаа юм биш. Улсын зардлаар баяр тэмдэглэхгүй, зөвхөн Сүлд мод л босгоно. Насанд хүрэгчдэд зориулсан ёолк хийхгүй, хүүхэд багачуудаа мэдээж Ёолк хийж баярлуулна. Юуны өмнө Украин дахь цэргийн тусгай ажиллагаанд оролцож байгаа дайчдын хүүхдүүдэд Шинэ жилийн баяр зохион байгуулна” гэж сэтгүүлчдэд мэдээллээ.