СОНГОДОГ УРЛАГ | "Energy Contemporary Ballet" тоглогдоно

Дэлхийн суут хөгжмийн зохиолч Антонио Вивалдийн бүтээл дээр "Energy Contemporary Ballet"-ыг таван шилдэг бүжиг дэглээч орчин үеийн шинэ контемпорари балетаар дамжуулан гайхамшгийг мэдрүүлэхээр бэлтгэл ажилдаа оржээ.

Контемпорари балет нь олон янзын хувилбар, техниктэй бүжгийн урлаг бөгөөд 20-р зууны эхээр Европ, Хойд Америкт хөгжиж  бүжигчид өөрийгөө илэрхийлэх шинэ урсгалыг гаргаж эхэлсэн түүхтэй.

Контемпорари балет нь сонгодог балетаас илүү чөлөөтэй, илүү илэрхийлэлтэй техникээрээ ялгаатай. Бүжигчид зөвхөн сонгодог поз, хөдөлгөөн төдийгүй контактын импровизац, хип хоп, жазз, орчин үеийн бүжгийн техник гэх мэт илүү орчин үеийн элементүүдийг ашигладаг байна. 

Дотоод сэтгэлийнхээ илэрхийлэлийг балетын урлаг тэр дундаа контемпорари балетаар илэрхийж гаргахаар бүжиг дэглээч Б.Билгүдэ, Б.Халиунаа, Ц.Энх-Амар, Г.Нямцэрэн, Б.Болор нар ажиллаж байна. Мөн  контемпорари балетаа  бүжгийн дэглэлттэй хослуулан медиа артын бүтээлээрээ гэрэл зургийн үзэсгэлэн толилуулна. 

Контемпорари балетын урлагийг байгаль дэлхийн үзэгдэлтэй хослуулан тайзны шийдлийг дэлгэц болон орчин үеийн  медиа артын техник, технологи ашиглан найруулж байгаагаараа шинэлэг. 

Дэлгэцийн болон Медиа артын найруулагчаар Б.Отгонсүрэн ажиллаж байна. Тэрээр Монгол орны 21 аймгийн 210 гаруй сумыг 8 жилийн хугацаанд байгалийн гэрэл зураг авч байсан туршлагатай зураглаач юм. Контемпорари балетын урлагыг Арт гэрэл зурагийг медиа арт, дүрс бичлэгтэй хослуулсан сонирхолтой уран бүтээлийг хүргэх гэж байна.

Тоглолт 2023.04.27 Corporate Convention Center-т болно.