Магнолианы дуу Netflix-ээр дамжин дэлхий дахинаа эгшиглэжээ

Дэлхий дахинаа хамгийн олон хэрэглэгчтэй гэгддэг Netflix платформоор цацагдах олон ангит кинонд дуучин Магнолиан буюу Б.Дөлгөөн, Ч.Цэлмүүн нарын дуу эгшиглэжээ.  

“Outer Banks” хэмээх энэхүү цуврал 2020 онд үзэгчдийн хүртээл болсон. Тус киноны хоёрдугаар улирлын тавдугаар ангид Монгол дуучдын “The Bride & The Bachelor” хэмээх дуу сонгогдсон байна. Тавдугаар ангид 30 секунд л эгшиглэх энэхүү дууг Netflix 3000 ам.доллараар худалдан авчээ. 

Б.Дөлгөөн нь "Голомт" банкны ТУЗ-ийн дарга Д.Баясгалангийн хүү бөгөөд банкны салбарын лидерүүдийн нэг Д.Баясгалан амьд хөгжим сонирхдог хүүгийнхээ сонирхол, авьяасыг багаас нь эхлэн дэмжсэн гэдэг. Төрөлхийн авьяас, мэдрэмж, хичээл зүтгэл нь түүнийг ийнхүү энгийн хийгээд чадварлаг уран бүтээлч болгожээ.