Хэйли Биберийн аав шүтэн бишрэгчдээсээ охиныхоо төлөө залбирахыг хүсжээ

Загвар өмсөгч Хэйли Биберийн аав Стивен Болдуин охин болон хүргэнийхээ төлөө залбирч өгөхийг хүссэн утга бүхий бичвэр инстаграм хуудаснаа нийтэлсэн нь шүтэн бишрэгчдийнх нь санааг ихэд чилээжээ. 

Тэрээр Жастин Биберийн гитар тоглон “I Could Sing of Your Love Forever” хэмээх мөргөлийн дууг дуулж буй бичлэгийг оруулан Христэд итгэгчдэд хандан тэднийг их эзний хамгаалалтад багтааж өгөхийг хүссэн утга бүхий бичвэр бичсэн байх аж. 

Олон нийт түүний энэхүү үйлдэл нь хосын харилцаанд ямар нэгэн асуудал гарсны илрэл хэмээн үзэж байгаа бол Стивен Болдуины зүгээс "Тэдэнд ямар ч асуудал байхгүй, тодорхой нэр алдарт хүрсэн хүмүүс бусдаас илүү сорилттой тулгардаг бөгөөд дайснууд нь тэднийг Есүст ойр байлгахыг хүсдэггүй учир залбирч өгөхийг хүссэн" хэмээх хариу тайлбар өгчээ.