ХЭҮК | Агаарын бохирдлоос үүдэж жилд 300 хүн АМЬ НАСАА АЛДАЖ байна

Хүний эрхийн үндэсний комиссоос өнөөдөр /2024.09.19/ Монгол Улсын Шадар сайдад  хүргүүлсэн зөвлөмж, Онцгой байдлын байгууллагад өгсөн Комиссын шаардлагын талаар танилцууллаа.

Энэ үеэр Гомдол, хяналт шалгалтын хэлтсийн дарга Г.Ууганбаатар “Агаарын бохирдлын улмаас жилдээ 300 иргэн амь насаа алдаж байгаа гэдэг эрүүл мэндийн байгууллагын дүгнэлт гарсан. Энэ нь нийт иргэдийн эрхийг зөрчиж байгаа гэж үзэж байгаа учраас сайжруулсан шахмал түлшний чанарт анхаарах, энэ талаар яаралтай арга хэмжээ авах шаардлагатай байна” гэсэн юм.