Атга чихэр шиг болсон АЛТАНГАДАС

2025 оны 04 сарын 10

УИХ-ын чуулганы завсарлагааны үеэр гишүүд бүсийнхээ тойргоор тойрч, тойроггүй зарим нь Монгол орноороо “тойрон аялсан”. Тэгж явах зуураа зүгээр явсангүй. Төрийн дээд одон медалийн тоонд ордог Алтангадасыг атга чихэр шиг тарааж явжээ. Бүр “Тухайн сумын одонгүй ахмадуудын нэрсийн жагсаалтыг гаргаж өг” гэсэн хачин хүсэлт ч юм уу, шаардлагыг тавьж явсан гэх.

“Буруудаа дэлтэй улаанд нь

Мөс нь шаргиад байна даа хө

Булигаар хүрэн цүнхэнд нь

Чихэр шаргиад байна даа хө” гэж дуунд гардагчлан гишүүдийн цүнхэнд Алтангадас шаргиж, гавьяатай гавьяагүйг үл харгалзан 50-иас дээш настнуудын энгэрийг мялаадаг болжээ.

Хийсэн бүтээснийг нь үнэлж төрөөс хүндэтгэн олгодог одон атга чихэртэй адил болж, авсан хүн энгэртээ зүүхээс ичдэг цаг ирээд байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (139.5.219.133)  2025 оны 04 сарын 10

Авсан хүн нь ичдэг болсон нь үнэн шүү ийм үнэ цэнэгүй санжгараас хол яваа

0  |  0
зочин (180.149.67.118)  2025 оны 04 сарын 10

авч л байг л дээ. хүнд юм өгч л байг. ямар хамаа. 50 хүрсэн гэдэг их л гавьяатай хэрэг

0  |  1
Close menu