Алдарт iShowSpeed стримерт The MongolZ багийн өмсгөлийг бэлэглэжээ

Америкийн алдарт стример iShowSpeed Монголд ирж, тус улсын олон зуун жилийн  түүхтэй баялаг соёлтой танилцан, өөрийн монгол фенүүдтэй уулзлаа. Түүний YouTube суваг 40 сая дагагчидтай бөгөөд бичлэгүүд нь нийт 4 тэрбум гаруй хандалттай. Тийм ч учраас iShowSpeed Монголд хөл тавьсан даруйд Улаанбаатарын төвд түүний олон мянган фенүүд цугласан байсан нь гайхах зүйл биш.

Фенүүдтэй уулзах үеэр дэмжигч нь түүнд The MongolZ багийн тоглогчдын гарын үсэгтэй өмсгөл бэлэглэжээ. iShowSpeed нь Valorant, Fortnite зэрэг тоглоомуудаар стрим хийж олны танил болсон, цахим спортын талаар сайн мэддэг нэгэн учраас бэлгийг хүндэтгэлтэйгээр хүлээн авсан байна. Өмсгөл гардан авч буй тэр мөчийг шууд дамжуулсан бөгөөд 38.5 сая гаруй дагагч нь үзэх боломжтой байв.

The MongolZ баг нь дэлхийн Counter-Strike 2 тоглоомын таван хүчирхэг багийн нэг бөгөөд Азийн бүс нутагтаа тэргүүлэгчдийн нэг билээ. Түүнчлэн стримерийн адил тэд ч мөн асар олон хөгжөөн дэмжигчидтэй. Өнгөрсөн жил The MongolZ баг олон улсын 1xBet компанийн дэмжлэгтэйгээр томоохон тэмцээнүүдэд түрүүлсэн бол энэ улиралд бүр ч өндөр амжилтад хүрэхийн төлөө шаргуу хөдөлмөрлөж байна.

20 настай Даррен Жэйсон Уоткинс Жуниор (iShowSpeed-ийн жинхэнэ нэр) нь зөвхөн тоглоомын стримээрээ төдийгүй хөлбөмбөгийн идэвхтэй хөгжөөн дэмжигч гэдгээрээ ч алдартай. Тэр өөрийгөө Португалын домогт хөлбөмбөгчин Криштиану Роналдугийн хамгийн том шүтэн бишрэгч гэж нэрлэдэг. Маш идэвхтэй стример тэрбээр буяны хөлбөмбөгийн тоглолтод оролцдогоос гадна WWE шоунд орж, спорт машин дээр үсэрдэг, хамгийн галзуу сорилтуудыг ч зориглон хийдэг.

Монголд байх хугацаандаа тэр Монгол үндэсний хувцас өмсөж, монгол хоол амталж, Чингис хаан музейгээр зочилсон. Тэрбээр мөн үндэсний бөх, морьтой шоу үзэж, Монголын түүх, соёл, уламжлалыг талаар багагүй ойлголттой болжээ. Түүний Монголд хийсэн аялал нь дэлхий даяар олон сая дагагчдад нь манай улсын соёл, уламжлалыг таниулан сурталчлахад хувь нэмэр оруулсан юм.