ОХУ, БНХАУ эрчим хүчний эх үүсвэрийн нийлүүлэлтийг нэмэгдүүлнэ

ОХУ, БНХАУ хоёр Оросын эрчим хүчний эх үүсвэрийн нийлүүлэлтийг нэмэгдүүлэх боломжуудыг хэлэлцжээ. Талууд мөн шингэрүүлсэн байгалийн хийн хоолойн хамтарсан төслүүдийг хэрэгжүүлэх боломжуудыг судалж байна гэж ОХУ-ын эрчим хүчний сайд Сергей Цивилев, БНХАУ-ын Улсын эрчим хүчний газрын дарга Ван Хунжи нар мэдэгджээ.

Хэлэлцээгээр Хятад улсад нийлүүлэх Оросын эрчим хүчний эх үүсвэрийн экспортыг өргөжүүлэх боломжуудыг хөндсөн байна. Мөн талууд нүүрсний салбарт хамтран ажиллах асуудлуудыг ярилцжээ. Тухайлбал, Хятад улсад нүүрсний бүтээгдэхүүн нийлүүлэхэд таатай нөхцөл бүрдүүлэх тухай хэлэлцжээ.