Зураг дарж, торгууль илгээхийг болиулах өргөдөлд гарын үсэг цуглуулж байна
“102 Police” аппликейшнээр мэдээлсэн иргэнд тухайн торгуулийн 10–20 хувьтай тэнцэх урамшуулал олгох журам 2025 оны арваннэгдүгээр сараас хэрэгжиж эхэлсэн билээ.
Тэгвэл иргэн Г.Рэнцэн уг журмыг цуцлах нийтийн өргөдлийг санаачилж, гарын үсэг цуглуулж эхэлжээ.
Тэрбээр, "Монголд зогсоол, зогсох байгууламж хүртээмжгүй хүн амын төвлөрөл ихтэй хотын нөхцөлд,торгууль нь зүгээр л мөнгө олох шийдвэр. Иймд автомашины зогсоолоо бүрэн шийдчихээд дараа нь торгуулиа тавимаар байна. Хот төлөвлөлт хүн амын нягтрал ихтэй болсон нь иргэдийн буруу биш, үе үеийн хотын дарга, засаглалын буруу учир 102 апп торгох шийдвэрийг хүчингүй болгож өгнө үү" хэмээжээ.
Та бүхэн саналаа өгөхийг хүсвэл энд дарж өгнө үү.
Одоогийн байдлаар тус өргөдөлд 831 хүн гарын үсэг зураад байгаа бөгөөд нийт 33000 хүн гарын үсэг зурвал ажлын хэсэг байгуулах юм.
Сэтгэгдэл ( 0 )