Иргэн Чингисхаан БНХАУ-ын хорих камерт нэг сар хоригдоод суллагджээ

Олон нийтэд Чингис хаан нэрээр танигдсан М.Баасанжаргал БНХАУ-ын хорих камерт нэг сар хоригдоод гарсан талаараа цахим хуудаснаа нийтэлсэн байна.

Тэрбээр энэ талаараа өөрийн цахим хуудаснаа "Монгол Улсаас БНХАУ-ын Бэйжин хотод суугаа бүрэн эрхт Элчин Сайд болоод хамт олонд нь машид талархав. Хятад улсын Шенжень хотын хорих камерт 1 сар суугаад, хэзээ гарах нь мэдэгдэхгүй байлаа. ГХЯ-ны Бээжин дахь Монголын Элчин Сайд руу захидал бичиж илгээснээр яаралтай суллагдаж, Хятад цагдаа нарын хамгаалтад Монгол руугаа нисэж байна. Хятад улс надад хар дарсанд баярлалаа. Бугуйндаа гагц цагтай л буцаж байна. Уучлаарай надад итгэсэн хүмүүс минь" гэжээ.