Улсын начин Б.Гончигсүрэнд хоёр өрөө байрны түлхүүр гардууллаа

Монгол Улсын начин Б.Гончигсүрэнд “Сөүл гарден” хотхоны хоёр өрөө байрны түлхүүрийг гардуулан өглөө.

Байрны түлхүүрийг Хот байгуулалт, барилга, орон сууцжуулалтын яам, “Барилгын хөгжлийн төв” ТӨҮГ, “Улаанбаатар групп” ХХК, “Түм арвижих” ХХК-ийн удирдлагууд гардуулсан юм.

Монгол Улсад барилгын салбар үүсэж хөгжсөний 100 жилийн ойд зориулсан хүчит 256 бөхийн барилдаанд улсын начин Б.Гончигсүрэн уран мэх, хүч бяраа уралдуулан барилдаж, түрүүлсэн билээ.

Түүний энэхүү амжилтыг үнэлж, барилгын салбарын байгууллагуудын зүгээс хоёр өрөө орон сууцаар урамшуулжээ.