Дуучин Ч.Бат-Эрдэнэ хээрийн замд...

 
Өнөө цагт хүний яс чанар муудсан гээд л амтай болгон ярьдаг ч бусдад туслах   сайхан сэтгэлтэй хүмүүс цөөрөөгүйг түмэн олондоо дуугаараа танил болсон гавьяат Ч.Бат-Эрдэнэ харууллаа.  Өнгөрсөн намар залуу гавъяат маань нутгийн зүг хөлгийн жолоо залсан аж. Түүнийг Баянхонгор өнгөрч явтал замд нь онхолдсон “УАЗ-469” машины дэргэд  хэдэн хүн зогсоод тусламж гуйжээ. Дуучин маань дор нь өөрийнхөө машинаар онхолдсон “УАЗ”-ийг татаж босгоод зогсохгүй  “бензин аваарай” хэмээн нөгөө хэдэд 130 мянган төгрөг атгуулжээ. Тэр үеэр гараа хугалсан бяцхан хүүг авч Бууцагаан сумын эмнэлэгт гарыг нь шохойдуулж өгсөн гэнэ.  Онхолдсон “УАЗ”-ийн жолооч нутагтаа ирсэн даруйдаа Ч.Бат-Эрдэнийн өгсөн 130 мянган төгрөгийг буцааж өгөх гэсэн боловч аваагүй гэнэ шүү.

Д.Жаргалсайхан Ziindaa.mn