Шинэ үеийн давалгаа, сэтгэл булаам Nissan JUKE Монголд /фото/

Сүүлийн үеийн шинэ спорт давалгаа, машин сонирхогчдын шуналыг хөдөлгөх Ази, Европын орнуудад шуугиан дэгдээж буй Nissan JUKE автомашиныг Монголд танилцуулах ёслолын ажиллагааг энэ сарын 4-ний өдөр Моннис Моторс компани амжилттай зохион байгууллаа.

Дэгжин загвартай, эрч хүчтэй, спортлог шинжийг агуулсан хэрнээ их хотын жолоодлогод маш тохиромжтой хэмжээ, ашиглалтын зөв харьцаа, маневарлах чадвар, огцом хурд авалт зэрэг нь энэ автомашиныг яахын аргагүй орчин цагийн автомашин болгож чаджээ.

Мөн 190 морины хүчтэй хөдөлгүүрэнд нь биендээ л баймгүй бяртай спорт жолоодлогын хүч нуугдаж байдаг ба хамгийн бодитой EuroNCAP аргачлалаар шалгарч, таван хошуу авсанаараа хамгийн аюулгүй автомашинуудын нэг гэдгээ нотоллоо.   

Тус арга хэмжээнд хамтлаг дуучид урилгаар оролцож Nissan Juke автомашиныг ая дуугаараа мялаасан юм. Түүнчлэн энэхүү үйл ажиллагаа сонирхолтой үйл явдлуудаар дүүрэн байсны нэг нь ая дуугаа өргөхөөр уригдан ирсэн дуучин Анхаа гэргий Халиунаадаа Nissan Juke автомашиныг гэнэтийн бэлэг болгон түлхүүрийг нь гардуулсан. Дуучин Халиунаа сэтгэлээ барьж дийлэлгүй баярын нулимс унагасан төдийгүй хүрэлцэн ирсэн олон хүний сэтгэл ч хөвсөлзсөн байлаа. Мөн Маск продакшны жүжигчин Ш.Жавхлан энэхүү арга хэмжээнд оролцсон хүмүүсээс эхний гурван азтаны нэгээр тодорч Nissan-ны гарын бэлгээр шагнуулжээ.

Д.Шинээ