Хувьцаа худалдан авах санал ирээгүй гэнэ

Монголын хөрөнгийн бирж өчигдөр  арилжааны үйл ажиллагаа хийсэн ч өдрийн дүн мэдээгээ гаргаагүй гэнэ. Харин албаны хүний ярьж буйгаар энэ нь нэгдүгээрт шинэ систем нэвтэрч буйтай холбоотойгоор брокерийн компаниуд багассан, хоёрдугаарт хувьцааны санал ирээгүйтэй холбоотой аж.

Дашрамд дурьдахад Монголын хөрөнгийн биржийн арилжаа урд нь 11.00-13.00 цагийн хооронд явагддаг байсан бол Санхүүгийн зохицуулах хорооноос гаргасан шийдвэрийн дагуу долдугаар сарын 2-ноос 10.00-13.00 цаг хүртэл арилжаа хийж байгаа юм байна. Одоогоор “Миллениум Ай Ти” системийн шаардлагыг хангасан 12 брокерийн компани арилжаанд оролцож буй ажээ.

Т.Ялгуун