Арилжааны банкнаас 8.7 сая ам.доллар зээлж Лондонгийн хөрөнгийн биржид төлнө

Монголын хөрөнгийн биржийн Стратеги хамтын ажиллагааны гэрээний дагуу Лондонгийн хөрөнгийн биржид энэ онд 8.7 сая ам.долларын төлбөр төлөх ёстой. Үүнийг Засгийн газрын өчигдрийн хуралдаанаар хэлэлцээд арилжааны банкнаас зээл авч төлөх зөвшөөрлийг Сангийн сайдад олгожээ.

Мөн зээл, зээлийн хүүгийн хамт эргэн төлөх эх үүсвэрийг төсвийн тухай хуульд нэмэлт өөрчлөлт оруулах тухай хуулийн төсөлд тусган шийдвэрлэхийг Сангийн сайдад даалгасан байна.

Т.Ялгуун