Аравдугаар сараас шөнийн хэрэглээний цахилгааны хөнгөлөлт эдэлнэ

Нийслэлийн агаарын бохирдлыг бууруулах ажлын хүрээнд гэр хорооллын айл өрхийн цахилгааны шөнийн хэрэглээний төлбөрийг улсаас 50 хувь хөнгөлөх шийдвэр гаргасан. Энэхүү урамшууллыг өнгөрсөн жилийн арваннэгдүгээр сараас эхлэн энэ оны тавдугаар cap хүртэл олгосон юм.

Энэ жил хүйтний улирал эрт эхлэх төлөвтэй байгаа тул айл өрхийн цахилгааны төлбөрийг ирэх аравдугаар сарын нэгнээс эхлэн хөнгөлөхөөр болжээ. Энэ нь аравдугаар сараас эхлэн ирэх оны тавдугаар сарын нэгнийг хүртэл урамшуулал эдлэх боломжтой гэсэн үг. Нийслэлийн агаарын бохирдлыг бууруулах тухай хуулинд дараах нөхцөл шалгуурын аль нэгийг хангасан айл өрхөд урамшуулал олгоно гэж заасан. Тодруулбал,

• Стандартын шаардлага хангасан дулаалгатай гэр, амины орон сууцтай
• Цахилгаан дамжуулах, түгээх сүлжээнд холбогдож цахилгаан халаагуур хэрэглэж байгаа
  Бүх төрлийн хийн түлшээр ажилладаг халаалттай
• Газрын гүний дулаан, нар салхины болон бусад сэргээгдэх эрчим хүчийг ашиглаж байгаа
  Стандартын шаардлага хангасан шахмал болон коксон түлш, сайжруулсан зуух, яндангийн шүүлтүүр хэрэглэдэг
• Байгаль орчинд ээлтэй эрчим хүчний хэмнэлттэй байшин, амины орон сууцтай
• Түлш хэмнэх замаар хүлэмжийн хийн ялгарлыг багасгаж, энэ чиглэлийн дотоод, гадаадын тусламж, төсөл хөтөлбөрт хамрагдаж байгаа бол цахилгааны үнийн урамшуулалд хамрагдах боломжтой аж.

Х.Даваа