6.9 сая ширхэг үнэт цаас арилжигджээ

Үнэт цаасны арилжаа 2012 оны 8 дугаар сард 23 өдөр явагдаж, 50.7 тэрбум төгрөгийн гүйлгээ хийгдэж, 6.9 сая ширхэг үнэт цаас арилжигдсан байна. Улсын     нэгдсэн төсвийн тэнцвэржүүлсэн орлого ба тусламжийн нийт хэмжээ 2012 оны эхний 8 сард 3099.5 тэрбум төг, зарлага ба эргэж төлөгдөх цэвэр зээлийн нийт хэмжээ 3582.6 тэрбум төг болж, улсын нэгдсэн төсвийн тэнцвэржүүлсэн тэнцэл 483.1 тэрбум төгрөгийн алдагдалтай гарсан байна.

Нэгдсэн төсвийн урсгал орлого 2012 оны эхний 8 сард 3088.5 тэрбум төгрөг, урсгал зардал 2761.0 тэрбум төгрөг  болж, тэнцвэржүүлсэн урсгал тэнцэл 327.4 тэрбум төгрөгийн ашигтай гарчээ. Татварын нийт орлого өмнөх оны мөн үеийнхээс 437.5 тэрбум төг буюу 18.7 хувиар нэмэгдэхэд нийгмийн даатгалын шимтгэлийн орлого 144.8 тэрбум төгрөг буюу 28.2 хувь, бусад татварын орлого 138.5 тэрбум төгрөг  буюу 34.1 хувь, дотоодын бараа, үйлчилгээний татварын орлого 14.2  тэрбум төгрөг  буюу 14.0 хувь, орлогын албан татварын орлого 18.5 тэрбум төгрөг буюу 3.5 хувь, гадаад худалдааны  татварын орлого 5.9 тэрбум төгрөг буюу 2.7 хувь,өмчийн татварын орлого 2.6 тэрбум  төгрөг буюу 27.0 хувиар өссөнөөс нөлөөлжээ.

А.Алт