Ирэх өвөл 12 мянган тонн мах нөөцөлнө
Энэ өвөл нийслэлийн хэмжээнд 12 мянган тонн мах нөөцлөхөөр болжээ. Нөөцийн мах бэлтгэх аж ахуйн нэгжүүдийг уралдаант сонгон шалгаруулалтаар тодруулахаас гадна төрийн бус байгууллагууд, иргэний нийгмийн байгууллагуудад хяналт тавих боломж олгоно гэж Ерөнхий менежер Ч.Бат өнөөдөр хэллээ. Нөөцийн махны талаар пүрэв гаригт болох НИТХ-аар дэлгэрэнгүй танилцуулах юм. Түүнчлэн холбогдох албаны хүмүүсийн хийсэн судалгаа тооллогоос үзэхэд 12 мянган тонн мах нөөцлөхөд зоорь хангалттай хүрэлцэнэ гэлээ.
Нийслэлийн Хөдөө аж ахуйн газраас мах, хүнсний ногоо хадгалах зоорийн нэгдсэн тооллогыг явуулж дуусчээ. Хүн амын төмс, хүнсний ногооны жилийн хэрэгцээ 144799 тонн бөгөөд тооллогод хамрагдсан бүх зоорь уг хэрэгцээний 33 хувийг хадгалах хүчин чадалтай юм байна.
Х.Даваа
Холбоотой мэдээ
Сэтгэгдэл ( 0 )