Хадгаламжийн даатгалын корпораци байгуулах ажлыг эхлүүлжээ

УИХ-аас Банкин дахь мөнгөн хадгаламжийн даатгалын тухай хуулийг энэ сарын 10-ны өдөр баталсан. Тэгвэл уг хуулийн хэрэгжилтийг хангах, хадгаламжийн даатгалын үйл ажиллагааг эрхлэн явуулах Хадгаламжийн даатгалын корпорацийг үүсгэн байгуулах бэлтгэл ажлыг Сангийн яам, Монголбанкны хамтарсан ажлын хэсгээс эхлүүлээд байгаа аж.  Ажлын хэсгээс Хадгаламжийн даатгалын сангийн эх үүсвэрийг бүрдүүлэх, банкуудыг хадгаламжийн даатгалд хамруулах, тус байгууллагын хүний нөөцийг бүрдүүлж сургах зэрэг ажлуудыг төлөвлөөд байгаа юм байна.