Хүнсний лабораториуд итгэмжлэгдэв

Стандартчилал Хэмжил Зүйн Газраас  “Тэсо” ХХК-ийн дотоодын чанарын хяналтын лаборатори болон “Талх чихэр” ХК-ийн дотоод хяналтын лабораторид хүнсний бүтээгдэхүүний сорилт шинжилгээ гүйцэтгэх итгэмжлэл олгох шийдвэр гарсан. Үүний дагуу өнөөдөр  дээрх лабораториуд СХЗГ-аас Итгэмжлэлийн гэрчилгээг албан ёсоор гардан авлаа. Ингэснээр “Талх чихэр” хувьцаат компанийн үйлдвэрийн бүтээгдэхүүн, “Тэсо” корпорацийн Айсмарк, Милко үйлдвэрийн бүтээгдэхүүнүүд нь дотоодын итгэмжлэгдсэн лабораторийн шинжилгээгээр хянагдаж гарах болж байгаа аж.