Монголбанк 10 тэрбум төгрөгийн үнэт цаас арилжааллаа

Монголбанк 28 долоо хоногтой 10.0 тэрбум төгрөгийн Төв банкны үнэт цаасыг 12.00 хувийн жигнэсэн дундаж хүүтэйгээр арилжааллаа. Ингэснээр өнөөдрийн байдлаар 28 долоо хоногтой ТБҮЦ-ны үлдэгдэл 110 тэрбум төгрөг болж байна.

28 долоо хоногийн хугацаатай ТБҮЦ-ны тухай тодотгоход: Борлуулах хэмжээг нь хязгаарлан хүүгээр өрсөлдүүлэх зарчмаар арилжаалдаг 28 долоо хоногийн хугацаатай ТБҮЦ нь богино хугацаат нөөцийг банк хоорондын захаас татах, банкуудын нөөцийг удирдах зэрэгт чухал үүрэг гүйцэтгэх бөгөөд Монголбанкны мөнгөний бодлогын үндсэн хэрэгслүүдийн нэг юм.

Монголбанк энэ төрлийн үнэт цаасыг 4 долоо хоногийн давтамжтайгаар банк хоорондын зах дээр тогтмол арилжаалж байна.