”Богд хаан” кино дэлхийн зах зээлд хүрч байна

Каннын кино наадамд өнгөрсөн жил эх орноо төлөөлөн оролцсон “Богд хаан” уран сайхны кино одоо ч эрэлттэй байна.
Уг киног гадныхан, тэр дундаа азичууд тун ч их сонирхож байгаа аж. Хамгийн сүүлд л гэхэд турк улс “Богд хаан” киног өндөр үнээр худалдаж авах санал тавьжээ. Үүний өмнө Энэтхэг, Америк, Ин-донезийн уран бүтээлчид уг киног зохиогчийн албан ёсны эрхтэйгээр худалдан авах саналаа Монголын үндэстний кино урлагийн академид ирүүлсэн байна.
Харамсалтай нь “Богд хаан”-ыг гадаад хэлээр орчуулах тал дээр асуудал үүссэн учир киноны уран бүтээлчид тэдэнд дорвитой хариу өгч чадахгүй байгаа аж. Учир нь шашны болон хуучны Монгол эд хэрэглэл, үг хэллэгийг орчуулахад хүндрэлтэй байгаа аж. Харин Монгол хэлээр уг киног интернэтээр үзэх боломж нээлттэй байгаа билээ