Төгөлдөр хуурчдын олон улсын тэмцээнээс тэргүүн байр эзэлжээ

Франц улсад олон улсын төгөлдөр хуурчдын 12 дахь удаагийн тэмцээн болж өнгөрлөө. Тус тэмцээнд манай улсаас СУИС-ын төгөлдөр хуурын багш Ц.Энхтөр, А.Энх-амгалан нар мэргэжлийн төгөлдөр хуурчдын хоршил хөгжмийн төрөлд оролцож тэргүүн байрын эзэн болжээ.  Тэд дөрвөн жил хамтдаа хоршин тоглож байгаа бөгөөд БНХАУ-Хөх хот, Кунминг, Франц мөн Монгол улсдаа “Төгөлдөр хуурын хоршил” хэмээх том хэмжээний концертыг тоглож байсан туршлагатай юм.

Энэхүү уралдаанд ОХУ, ЧЕХ, Франц, Испани, Кувейт, Украйн, Солонгос, Сингапур зэрэг 10 гаруй орны төгөлдөр хуурчид оролцсон байна.