17 сая ам.долларыг валютын захад нийлүүллээ

Өнөөдөр гадаад валютын дуудлага худалдаанд банкууд ам.доллар, юань тус тус худалдан авах санал ирүүлсэн бөгөөд Монголбанк 17 сая ам.долларыг валютын захад нийлүүлэв. Юаний саналуудыг биелүүлээгүй аж.

Мөн энэ өдөр банкууд валютын своп хэлцлээр 25 сая ам.доллар худалдан авах санал ирүүлсэн бөгөөд Монголбанк саналыг биелүүлсэнгүй.

Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.