ТЭЦ-4 -ийн ойролцоогоос Туул гол бохирддог

Өчигдөр Нийслэлийн Засаг даргын үйлдвэрлэл, экологийн асуудал эрхэлсэн орлогч Д.Ганболд Баянзүрхийн гүүрээс Туул гол дагуу явж танилцлаа. Туул гол хоёр долоо хоногийн өмнө тасалдсан ч  ойрд дулаарч хайлсан мөсний усаар овоо тэжээгдээд байна. Голын урд эрэгт байрлах жуулчны баазуудын бохирын асуудлыг шийдвэрлэхгүй байгаа нь анхаарал татлаа. Туулын эрэг орчимд хог ихтэйгээс гадна зохион байгуулалттайгаар цэвэрлэсэн хог хаягдлыг тээвэрлэлгүй овоолсон нүд хуурсан хэрэг болжээ. Сая гаруй хүн амын усны хэрэгцээг хангаж буй Туул голын ус чанарын хувьд төв суурьшлын бүс хэсэгтээ харьцангуй гайгүй байгаа ба ТЭЦ-4-ийн харалдаа газраас голын бохирдол эхэлж, Төв цэвэрлэх байгууламжаас цааш анхаарал татах хэмжээнд хүрээд байгаа юм байна.   

А.Туяа.Zindaa.mn